a b c d e f g h i j k l m n o p q r s t u v w x y z 0 1 2 3 4 5 6 7 8 9 #

abbasquiat - el fagwa / الفجوة كلمات الأغنية

[هوك 1]

أهلاً بيكم جوا مخ عباس
أول مرة أحس بمعنى الحمدلله
البعمله في يوم بالنسبالك إنجاز
متجه إلى القمة و إلي فطريقي يداس

فنان في الهدوء – مبدع في الكلام
سفاح في الحروب – ممتع في السلام
صياعة في السلوك – مقنع من زمان
دي قناعة الملوك مينفعش أخش أنام

[المقطع الأول]

أجمد حاجة داخلة على كوكب الارض
كل جمعة خناقة دا اسمه جدول الضرب
حياتي فيلم و دا مشهد الحرب
متناقض حلو و حادق حط العجوة علطرب

شديد في الصقعة باملي الإزازة شوربة
قديم في الملعب زي حمادة طلبة
قصر الكلام خلاص يا مان مشيت وسيبتك
حسن الختام زي زيدان في ٢٠٠٦

مفيش زيي في ال- type
بمشي في التراك بس بجري ع mic
ماشيرش اللقمة دا أكلي في الدايت
الفضل عليا في المزيكة بس لمارو و الطاي

بأكل سوتي في الشيفرولية أنا الدبابة
سامع صوتين انتو فين؟ مفيش إجابة
ريحة الخوف بالنسبالي مقرفة
مش محتاج فلوس عباس غني عن المعرفة

بالبلدوزر عالرصيف و أقوم دايسكو
بحاول أبقى طه حسين فا مش شايفكو
ولاءك للملك أنا ولائي للمملكة
مش هتطلع لفوق إلا لمكانك في المشنقة

بشيل حديد تشوفني تمسك الخشب
و أدي النصيب أوضتي قفص الاسد
مفيش رجوع في الكلمة بعد ما اتقالت
إبن العالم التالت و دا مكاني الاتنسى

×2 [هوك2]

ماشي – هافضل شايل الشيلة
عادي – واخد بالي من العيلة
باصص في المرايا – ظابط زوايا
مش باكل غير مع الناس الجاعت معايا

من البداية وأنا شايف كل حاجة بستوعبها
في رأيك إيه الاهم الاجتهاد ولا الموهبة
الاتنين و بعدين تبقى ذكي في المناورة
رابي ميكس عظيم بين المحلي و المستورد

[المقطع الثاني]

ساعات بيبقى الصمت واجب
كسرت الدنيا و لصمت في الكواكب
المدرسة قالت مفيش منى امل
ماشى يا ميس امل بينى و بينك الزمن

انا الاول و التانى و الثالث و الرابع
بتحول و هادى ساكت و طالع
بقفل النور بس لسه مطمن
مش هتشوف النجوم الا لما الدنيا تظلم

مش واثق من اى حد و ما زلت شاكك
بحسن من سلوكى – بدلته بسلك شائك
هداف الفريق اول ما بنزل باسكور
اول فيزا فى المحفظة و تانى واحدة فى الباسبور

الحكمة بالخبرة مش بتيجى بالسن
بكتر فى الكلام نفسى المعرفة تقل
داخل اجتماع لابس شبشب و ترنج
بشكل فى الانواع انا طبق ميكس جريل

دكتور مجنون فى المعمل رافض البس بلطو
سواق متهور مفيش غيره يوصلكو
احسن من نَفسى نِفسى نفسى تتحسن
ازاى اقسم وقتى انا وقتى مش بيتقسم

ظرف طارق – من غير احمد حلمى
قليل الادب – فى الثنوى دخلت علمى
ازاى الوقت بيهرب منى
لو العمر بيجرى و انا دايمآ سابق سنى

[هوك 1& 2]

فنان في الهدوء – مبدع في الكلام
سفاح في الحروب – ممتع في السلام
صياعة في السلوك – مقنع من زمان
دي قناعة الملوك مينفعش أخش أنام
—
ماشي – هافضل شايل الشيلة
عادي – واخد بالي من العيلة
باصص في المرايا – ظابط زوايا
مش باكل غير مع الناس الجاعت معايا

من البداية وأنا شايف كل حاجة بستوعبها
في رأيك إيه الاهم الاجتهاد ولا الموهبة
الاتنين و بعدين تبقى زكي في المناورة
رابي ميكس عظيم بين المحلي و المستورد

- abbasquiat

كلمات أغنية عشوائية

كلمات الأغاني الشهيرة